Desde awe 6 di april 2020, nos departamento di Beleid en Toezicht lo tuma peticionnan nobo pa permiso di construccion (bouwaanvraag) solamente via email. 

 

Pa haci peticion pa un permiso di construccion (bouwaanvraag) mester sigui e siguiente stapnan. 

 

Stap 1. Pago pa inicia proceso di peticion pa permiso di construccion

Costo administrativo pa haci un peticion pa permiso di construccion ta afl. 200,- 

E costo aki mester wordo transferi riba e cuenta bancario di DOW.

 

Arubabank nr: 2058870190

Adress DOW: Sabana Blanco 68

 

Ora di haci e pago corda di menciona lo siguiente:

-DOW bouwaanvraag;

-nomber y fam di peticionario of nomber di compania;

-adres

-number di telefon.

 

Stap 2. Comprobante di pago    

Despues di a haci e pago, mester manda un comprobante di e pago  na e siguiente email adresnan: invoices@dow.aw  y info@dow.aw

 

Stap 3. Mapanan y documentonan necesario

Despues di a manda e comprobante di pago na nos email adresnan, mester manda e siguiente documentonan na e email adres: info@dow.aw 

 

1. Aanvraagformulier completamente yena (https://www.dow.aw/mgd/files/bouwvergunning_formulier.pdf)

 

*Nomber, fam y firma di e peticionario riba e aanvraagformulier mester cuadra cu e acta di notario/decreto ministerial y e ID.

**Importante ta pa yena un email adres pa asina DOW por tuma contacto cu e peticionario. 

 

2. Mapa di cas (Bestektekening), op schaal 1:100 (A3, A2 of A1 formaat)

3. Mapa di plan di ubicacion (Situatietekening), op schaal 1:1000 of 1:2000 (A4 of A3 formaat)

4. Mapa di hero y nan calculacion (Constructietekening en berekening), op schaal 1:10, 1:20 of 1:50 (A3, A2 of A1 formaat)

5. Acta di notario (Notariële akte) of un Decreto Ministerial (Ministeriële Beschikking) of un carta di opcion di tereno di DIP

6. Copia di un medio di identificacion (ID valido)

 

***Tur file mester ta den PDF formaat. 

 

Por ultimo, personan cu mester entrega wijziging por mandanan na e email na info@dow.aw

Ora cu e situacion normalisa, nos ta pidi pa tur persona cu a haci un peticion pa un permiso di construccion nobo via di nos email adres pasa DOW y entrega tur mapa y documento den forma di hardcopy manera ta e custumber. 

 

Spera di a informa comunidad debidamente di e cambionan aki.

 

Website: www.dow.aw