Update proyecto RWA Palm Beach
![](https://cuatro.sim-cdn.nl/dow/uploads/styles/large_5x1_2560x512/media/ce7bc0b1-1187-4dfa-90dc-a62cd0a786dc.jpeg?h=8abcec71&cb=Ai8gfFV-)
Departamento di Obra Publico ta informa comunidad di Aruba riba e ultimo desaroyonan riba e proyecto di RWA na Palm Beach.
Contratista lo cuminsa mobilisa den weekend akinan y den siman di 29 mei pa 2 juni 2023 e contratista lo cuminsa instala e tuberia y e putnan correspondiente di e construccion pa asina mehora e systema di drenahe di awa di yobida na haltura di Citgo Palm Beach.
Despues di instala e tuberia y putnan lo bay over na kita e barricadenan banda di Local Store.
Na comienso di juni clientenan lo por yega mas cerca di Citgo Palm Beach y na e otro establemcimentonan tambe via e caretera principal di Palm Beach for di pabao. E contratista lo ta trahando riba e duiker pa amplia e capacidad di drenahe di e area di Palm Beach cu un pasada mas.
Durante e periodo cunan ta trahando riba e duiker, e caminda despues di entrada di Citgo Palm Beach te cu crusada na altura di CMB lo keda cera.
Despues cu e trabounan di e duiker finalisa, lo continua cu e ultimo parti di e proyecto unda lo frees y recap e caminda, cual lo tin un duracion di 2 dia pa frees y 2 dia pa recap. Ta premira cu pa final di juni 2023 lo por finaliza e trabounan menciona.
En conexion cu esaki Departamento di Obra Publico ta haci un peticion na tur peaton y manehador di auto pa tene cuenta cu e trabounan cu ta tumando luga, pa cual nos ta pidi tur automobilista, hotel, negoshinan y otro usuarionan comprencion y disculpa pa e inconveniencia cu e trabou nan por a ocasiona.
Nos ta spera di a informa comunidad di Aruba debidamente riba e ultimo desaroyonan di e proyecto di RWA Palm Beach.
![](https://cuatro.sim-cdn.nl/dow/uploads/styles/wysiwyg_large/media/93dfd158-1833-4577-a8d4-6eadf25ba4f2.jpeg?cb=sCn4z2l2)
![](https://cuatro.sim-cdn.nl/dow/uploads/styles/wysiwyg_large/media/37cbe72a-3edd-4151-bae8-78b52c11487c.jpeg?cb=wR1Pevvf)
![](https://cuatro.sim-cdn.nl/dow/uploads/styles/wysiwyg_large/media/df1c619b-adbb-4df9-b8db-7e0abb020766.jpeg?cb=ezAXY1wy)