Departamento di Obra Publico y contratista CIC NV kier a informa cu e caminda di Green Corridor entre rotonde di Kibaima pa rotonde di Pos Chikito tabata programa pa habri awenochi, pero pa motibo di awacero a pidi extencion di 3 dia mas.
Esey kiermen cu e caminda lo keda cera entre 9’or di mainta te 7’or di anochi y despeus di esey lo habri 1 lane direccion San Nicolaas y 1 lane direccion Oranjestad. Tentativo ta pa habri dialuna dia 8 di augustus 2022 pa 7’or di anochi, si no haya ningun inconviniencia mas.
Ruta di desviacion ta sigui via e brug di Telearuba of e caminda di Sabana Basora/Franse Pas.
Update Overrijdbaar rotonde “N.V. ELMAR”
- Dialuna dia 8 augustus 2022, nos lo cera e crusada 1’or di atardi pa motibo cu departamento di Infra lo mester basha concret pa e banchinan di rotonde y esaki lo mester sosode den oranan di merdia.
