Departamento di Obra publico kier a informa comunidad di Aruba specialmente habitantenan di e area di Mangel Halto, cuminsando dialuna awor 14 di augustus 2023, DOW lo bay cuminsa cu un proyecto na Faradaystraat unda cu lo bay pone un “Mini WasteWater Treatment Plant” den vloer pa asina preveni e awa cu no ta trata di bay lama actualmente.
 
E obhetivo di e proyecto akinan lo tin differente beneficio manera: 
Pa nos medio ambiente:  Lo elemina/reduci awa contamina cu ta bayendo lama;
Salud: Mehora e calidad di awa pa asina den futuro e por wordo uza pa agricultura y irigacion di nos vegetacion;
Economico: Lo haya un cresemento den turismo como tambe, e area lo wordo embeyece.
 
E “Mini Wastewater Treatment” akinan lo ta un technologia di VFL unda cu e Wastewater treatment lo wordo instala den vloer. E technologia akinan tin mas cu 70.000 planta den uzo na mas di 50 differente pais.
 
Manera a menciona cu nos lo cuminsa dialuna awor y ta proyecta pa caba den Oktober 2023.

Ayera nos tabata tin un Town Hall Meeting pa e habitantenan di e area, pa asina informa nan kiko tur e proyecto ta encera. Mester menciona cu e habitantenan a keda contento cu nan a wordo informa y tambe involuncra pa asina duna nan opinion y contesta tur preguntanan cu nan tabata por tin.
 
Por ultimo Wattsstraat of e area cu habitantenan/turista ta frequenta pa bay landa, lo no wordo cera. Solamente Faradaystraat lo wordo cera parcialmente durante ehecucion di e proyecto akinan.
 
Nos ta spera di por a informa comunicad di Aruba ariba e proyecto akinan cu lo cuminsa dialuna awor