Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Tamarijn y Seroe Blanco cu trabounan preparativo a cuminsa caba pa despues nos asfalta e caminda.

Na Tamarijn, manera a menciona cu trabounan preparativo a cuminsa caba y lo asfalta dia 29 november 2019. E caminda cu lo wordo asfalta lo ta di Tamarijn 37C pa Tamarijn 39.

Na Seroe Blanco tambe trabounan preparativo a cuminsa caba y lo asfalta dia 30 di november 2019. E caminda cu lo wordo asfalta lo ta di Seroe Blanco 64B pa Seroe Blanco 78N y di Seroe Blanco 66G pa Seroe Blanco 68N.

Ruta alternativa lo keda indica cu baricadanan y borchinan di aviso y e orario di ceramento lo ta di 8’or di mainta te cu 4’or di atardi.

En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.