Departamento di Obra Publico kier a informa, cu nos organisacion ta keda cera pa publico te cu diamars 14 di april 2020.

 

Tur esaki ta en conexion cu e "shelter in place" cu a wordo introduci di parti Gobierno di Aruba.

 

Nos a haci algun cambio pa loke ta trata departamento di Beleid & Toezicht. Entrante ayera 6 di April 2020, nos a cuminsa ricibi permisso di contruccion nobo, pero esaki ta bay solamente via un email.
Ora cu e situacion normalisa, nos ta pidi pa tur persona cu a haci un peticion pa un permiso di construccion nobo via di nos email adres pa pasa DOW y entrega tur mapa y documento den forma di hardcopy manera ta e custumber.

Pa loke ta trata Departamento di Algemene Zaken:
- Por manda factura hunto cu inkooporder na e email: invoices@dow.aw.

 

Departamento di Infra & Verkeer y Riolering si lo keda “on call” pa cualkier necesidad, pero esey lo wordo coordina cu Korps Politie Aruba riba e number 100.

 

Unico departamento cu lo keda draai riba personal minimo lo ta na RWZI Parkietenbos pa asina Septic Trucksnan por keda deposita awa entre 6:30 di mainta te cu 7'or di anochi.

 

Nos kier a avisa cu nos emailnan si lo keda disponibel pa cualkier pregunta: dowaruba@dow.aw y info@dow.aw, y Whatsapp number lo ta +2975949275 of +2975921755.

 

Pa finalisa nos ta spera di por a informa tur hende debidamente di e cambionan aki cu ta na vigor te cu diamars 14 di April 2020.

 

Website: www.dow.aw
Email: dowaruba@dow.aw of info@dow.aw
Arubabank nr: 2058870190