Tocante nos
Mision DOW
DOW ta actua manera un servicio di emergencia, storings dienst pa tur tipo di proyecto, unda cu no ta necesario pa implementa e servicio directamente. E trabaonan ta ehecuta na interés di e comunidad Arubano, su bishitantenan y su socionan strategico den Reino Hulandes. Na aña 2018, e actividadnan di DOW a continua cu e enfoke den combati un mayor deterioro y e daño ( decadencia)di e ambiente/aspecto fisico y paisahe, prestando mas atencion y cuido sostenibel na e camindanan (careteranan), e awa y e lugarnan di construcción. E obhetivo di e trabaonan aki ta pa garantisa e calidad di bida den e lugarnan habita, laboral , recreativo y mehora mobilidad (movemento)
Vision DOW
Na aña 2015, DOW a publica un declaracion di nan Vision cu ta bisa: ” E autoridad di Aruba den e campo di infrastructura, brindando e servicionan tecnico di calidad halto na comunidad, cu un equipo proactivo y eficiente, unda cu integridad, transparencia y e interesnan di e cliente ta di suma importancia, teniendo na cuenta e sostenibilidad di medio ambiente y economía.”
E vision aki lo sirbi como un guia pa e proximo añanan y lo indica e direccion di futuro desaroyo di nos servicio. Esaki ta un proceso cu lo rekeri tempo y e recursonan (placa) necesario. Un di e aspectonan cu DOW lo presta atencion den e proximo añanan ta pa mehoracion di su empleadonan (formacion necesario. Formacion den e puesto do trabao) y e hermentnan pa e personal. Esaki lo yuda e servicio alcansa nan obhetivonan. Por lo tanto, ta importante cu e Vision aki ta cla (comprendibel) pa tur hende, cu ta motiva y cu ta medible y alcansabel.
E obhetivonan concreto di DOW ta:
• Ofrece una mayor productividad na comunidad cu e recursonan disponibel y dentro di e periodo di shete of cinco aña cu a acorda cu Hulanda
• Promove integridad, transparencia y obhetividad den e funcionamento di DOW
• Aumenta e servicio y amabilidad di e cliente
• Minimalisa e molestia of molestianan na e comunidad durante ehecucion di e trabao.
• Establece asociacionnan tanto cu servicionan gubernamental como cu e sector priva, na nivel local of internacional, pa intercambia conocimento y experiencianan.
